الإيدز أو فيروس نقص المناعة البشرية (HIV) هو الفيروس اللي بيسبب متلازمة نقص المناعة المكتسبة (الإيدز)، وهو فيروز بيهاجم المناعة عن طريق تدمير الخلايا، وممكن الإصابة بفيروس نقص المناعة تكون من غير أي أعراض، لكن كل ما تم الاكتشاف المبكر للعلاج كل ما كانت قدامك فرصة أكبر لعيش حياة طويلة وعادية زي أي حد.

قبل أي حاجة، خلينا نتفق إن الإيدز مجاش من أطياز المثليين الجائعة للنيك، لكن بسبب مشكلة مقدرش معمل أبحاث يسيطر عليها لما كان بيعمل فاكسين أو لقاح من دماء القردة الإفريقية، ولحد النهاردة الوصم موجود مع الأسف! في المقال ده هيعرفك كل اللي محتاج تعرفه عن الإيدز، من الوقاية للعلاج! كل حاجة حرفيًا!

ماهو الأيدز وما هو فيروس نقص المناعة البشرية (HIV)؟

كتير من الناس بتتسائبتسأل ماهو فيروس الايدز، وكمان بتخلط بينه وبين فيروس نقص المناعة البشرية HIV، الايدز هو مرحلة متقدمة من فيروز نقص المناعة، يعني مش بنوصل لمرحلة الإيدز أو متلازمة نقص المناعة المكتسبة هي ترك فيروس HIV من غير علاج، وبالتالي أي حد، حرفيًا أي حد، لازم يعمل فحص الإيدز

كده عرفنا ماهو فيروس الايدز؟ إمتى بنوصل له؟

وإنه هو المرحلة الأخيرة والأكتر خطورة من الإصابة بفيروس نقص المناعة البشرية، لأن الأشخاص المصابين بيه بيعانوا من انخفاض كبير في عدد خلايا الدم البيضاء وتلف شديد في الجهاز المناعي، وممكن يعانوا من أمراض إضافية، مهم تعرفوا إن الوصول للإيدز بيكون لو سبت الفيروس 10 سنين من غير علاج.

إيه اللي بيعمله فيروس نقص المناعة (HIV) والايدز للإنسان؟

فيروس نقص المناعة البشرية، بيهاجم خلايا الدم البيضاء في الجهاز المناعي والتي تسمى خلايا CD4 أو الخلايا التائية وكمان بيدمّر خلايا CD4، وده بيخلي خلايا الدم البيضاء تقل، وبالتالي بيكون جسمك أقل قدرة على محاربة العدوى أو الأمراض.

لكن في البداية، فيروس نقص المناعة البشرية بيخليك تحس بالأمراض بأعراض زي أعراض الأنفلونزا، وبعديها بيستخبى في جسمك لفترات طويلة بدون أي أعراض، وخلال الفترة دي، الفيروس بيدمّر خلايا التي T ببطء، ولما بتنخفض الخلايا دي بشكل كبير بتبدأ تصاب بأمراض مش بيتصاب بيها الناس اللي جهاز المناعة عندهم سليم، وبعد سنين من عدم العلاج بتتم الإصابة بمرض الأيدز.

يمكن أن يسبب الإيدز فقدانًا سريعًا للوزن، وإرهاقًا شديدًا، وقرحة في الفم أو الأعضاء التناسلية، وسخونية، والعرَق بالليل، والتغير في لون الجلد، وغالبًا ما تحدث أمراض وسرطانات أخرى للأشخاص المصابين بالأيدز ويمكن أن تسبب أعراضًا إضافية.

مين بيتأثر بفيروس نقص المناعة البشرية والإيدز؟

الخرافات بتقول إن فيروس نقص المناعة المكتسبة بييجي لناس معينين، الفيروس مش بيختار أو ينقّي الناس اللي هيصيبهم، وبالتالي أي شخص عايش معانا في الكوكب ده ممكن يتصاب بفيروس الإيدز أو نقص المناعة، والإيدز زي أي مرض، وله علاج دلوقتي، لكن في ناس فرص إصابتهم بالعدوى ممكن تكون أكبر، خصوصًا اللي بيعملوا سكس من غير أمان، أو من غير واقي ذكري، وكمان مشاركة الإبر لحقن المخدرات هي واحدة من أكبر طرق انتقال الإيدز.

ما مدى شيوع فيروس نقص المناعة البشرية (HIV) والإيدز؟

انخفض عدد الإصابات الجديدة بفيروس نقص المناعة البشرية والإيدز بمرور السنين، ففي عام 2019، كان هناك 1.2 مليون شخص في الولايات المتحدة مصابين بفيروس نقص المناعة البشرية، حوالي 13% منهم مش عارفين إنه عندهم إتش آي في، علشان كده الإجراء الروتيني بالفحص السريع للايدز أو الفحص المنزلي للايدز مهم جدًا.

سبب مرض الإيدز الرئيسي

قبل ما نعرف أسباب الإيدز، تعالوا نعرف أعراض إيدز؟

ممكن تصاب بالمرض بدون ظهور أعراض الإيدز المبكرة لأن فيروس نقص المناعة ساعات بيقعد في الجسم سنين بدون أعراض، علشان كده مهم نعمل فحص الإيدز من غير سبب.

ساعات أعراض الإيدز الأكيدة لما يكون لسا في مراحله الأولى خالص بتبقى كأنها إنفلونزا حادة، وده لما تتصاب بفيروس نقص المناعة البشرية لأول مرة، والأعراض دي ممكن تكون أول أعراض نقص المناعة المكتسبة:

حمى.
قشعريرة.
تعب.
التهاب الحلق.
آلام العضلات.
التعرق الليلي.
متسرع.
تضخم الغدد الليمفاوية.
تقرحات الفم.

مراحل الإصابة بفيروس نقص المناعة المكتسبة والإيدز

يتكون فيروس نقص المناعة البشرية من ثلاث مراحل:

المرحلة 1: الإصابة بفيروس نقص المناعة البشرية الحاد

بيصاب بيه بعض الأشخاص لما تجيلهم أعراض تشبه أعراض الأنفلونزا بعد شهر أو شهرين من إصابتهم بفيروس نقص المناعة البشرية، ووغالبًا ما تختفي هذه الأعراض في غضون أسبوع إلى شهر.

المرحلة الثانية: المرحلة المزمنة/الكمون السريري

بعد المرحلة الحادة، ممكن الفيروس يفضل في جسمك لسنين من غير ما تحس بأي مرض، لكن مهم تعرف إنك بتكون ناقل للعدوى حتى لو كنت تمام وزي الفل قدام الناس.

المرحلة الثالثة: الإيدز

الإيدز هو المرحلة الأكثر خطورة من الإصابة بفيروس نقص المناعة البشرية، في المرحلة دي، جهاز مناعتك بيضعف بشكل كبير، ومن المرجح أن تؤدي العدوى الانتهازية إلى إصابتك بمرض الإيدز.

العدوى الانتهازية هي باختصار امراض بتفضل موجودة في جسمك طول ما مناعتك قادرة تحاربها وبتستنى الوقت المناسب علشان تهاجمك، وبالتالي لما الإيدز بييجي بيكون جسمك مناخ خصب للعدوى دي.

علشان كده، ساعات بتزداد احتمالية الإصابة بأنواع معينة من السرطان عند إصابتك بالإيدز، وتُسمى هذه الأنواع من السرطان والعدوى الانتهازية معًا بالأمراض التي تحدد الإصابة بالإيدز.

لكي يتم تشخيص إصابتك بالإيدز، يجب أن تكون مصابًا بفيروس نقص المناعة البشرية وأن يكون لديك على الأقل أحد الأعراض التالية:

أقل من 200 خلية CD4 لكل مليمتر مكعب من الدم (200 خلية / مم3).
مرض محدد لمرض الإيدز.

ما هي أعراض مرض الايدز؟

يمكن أن تظهر أعراض الإيدز بعد ٦ شهور، من الإصابة أو بعد سنين، وصحيح أنها قد تكون ناتجة عن الإصابة بفيروس نقص المناعة البشرية، ولكن كتير منها بيكون ناتج عن أمراض بتستغل ضعف جهاز المناعة لديك.

كيث تتم الإصابة بالإيدز؟

يمكن أن تتم الإصابة بفيروس نقص المناعة البشرية (الإيدز) لو اختلط دمك بدم أو السائل المنوي أو السوائل المهبلية أو حليب الثدي أو السوائل الشرجية لشخص مصاب، وممكن إصابة الأشخاص من جميع الجنسين والميول الجنسية بفيروس نقص المناعة البشرية.

كمان ممكن يدخل الفيروس لجسمك من خلال الفم أو الشرج أو القضيب أو المهبل أو الجلد، ومش ممكن يخترق الجلد إلا إذا كان عندك قطع أو جرح، كمان ممكن يتنقل الفيروس للأطفال من أمهاتهم الحوامل المصابات بفيروس نقص المناعة البشرية، لكن بمجرد ما الطل يتولد وياخد العلاج بيعيش عادي طبيعي طول السنين.

علشان كده لازم نأكد هنا على ضرورة ممارسة الجنس الآمن، لازم دايمًا استخدام الواقي الذكري وعدم مشاركة الإبر لتعاطي المخدرات.

اقرأ ايضًا: الميول المثلية | أكبر دليل على الإنترنت لتفهم نفسك؟

انتقال الإيدز عن طريق البوس (التقبيل)

نظرًا لأن فيروس نقص المناعة البشرية مش بينتشر عن طريق اللعاب، فاحتمالية انتقال الايدز عن طريق البوس (التقبيل) مش شائعة، لكن لو عندك قرحة في فمك وقمت بتقبيل شخص مصاب عنده قرحة أو جرح في فمه، بيكون في احتمالية للإصابة بالمرض لكن عمومًا احتمالية انتقال الايدز بدون ايلاج أقل طول ما الشخص واعي وبيمارس الجنس بأمان.

وبالرغم من خوف ناس كتير من كيفية انتقال الايدز إلا إن الحاجات دي مش بتنقل الإيدز بأي شكل من الأشكال:

لمس أو حضن شخص مصاب بفيروس نقص المناعة البشرية/الإيدز.
الحمامات العامة أو حمامات السباحة.
مشاركة الأكواب أو الأواني أو الهواتف مع شخص مصاب بفيروس نقص المناعة البشرية/الإيدز.
لدغات الحشرات.
التبرع بالدم.

ازاي أعرف إن عندي الإيدز أو بفيروس نقص المناعة البشرية؟

أولًا بعد الشر عليك، ثانيًا، اطمن، ثالثًا لازم تعرف إن اكتشاف الإيدز بدون تحليل غير ممكن، لأن الناس ممكن تعيش سنين وهم مش عارفين إصابة الإيدز، وبالتالي الطريقة الوحيدة علشان تعرف إن كنت مصابًا بفيروس نقص المناعة البشرية، هي عمل فحص الإيدز.

ولأن حوالي 1 من كل 7 أشخاص مصابين بالإيدز مش عارفين إن عندهم المرض، لازم تعلم تحليل الايدز على الأقل مرتين أو 3 مرات في السنة لو عمرك بين 13 و 65 سنة. وفي نصايح بخصوص التحليل تحت هنقولهالك.

تحليل الإيدز

كيف يتم تشخيص فيروس نقص المناعة البشرية؟

يتم تشخيص الإصابة بفيروس نقص المناعة البشرية من خلال فحص الدم أو اللعاب. يمكنك إجراء الاختبار في المنزل أو في عيادة مقدم الرعاية الصحية أو في مكان يوفر الاختبار في مجتمعك.

إذا كانت نتيجة اختبارك سلبية، فلن تكون هناك حاجة إلى إجراء المزيد من الاختبارات إذا:

لم يكن لديك أي تعرض محتمل في الأشهر الثلاثة السابقة قبل الاختبار بأي نوع من الاختبارات.
لم يكن لديك أي تعرض محتمل خلال فترة النافذة الزمنية للاختبار الذي تم إجراؤه باستخدام سحب الدم. (اسأل مقدم الرعاية الصحية الخاص بك إذا كنت غير متأكد من فترة النافذة الزمنية للاختبار الذي أجريته.)

إذا كان لديك تعرض محتمل خلال ثلاثة أشهر من الاختبار، فيجب عليك التفكير في إعادة الاختبار لتأكيد النتيجة السلبية.

إذا كانت نتيجة الاختبار إيجابية، فقد يقوم المختبر بإجراء اختبارات متابعة لتأكيد النتيجة.

أماكن وأنواع وسعر تحليل الإيدز

هناك أنواع مختلفة لتحليل الإيدز ونقص المناعة أولها تحليل الأجسام المضادة العادي، وتحليل الأجسام المضادة لفيروس نقص المناعة، وتحليل الأحماض النووية (NATs).

تحليل الأجسام المضادة العادي

في تحليل الإيدز ده بيتم الكشف عن إن جسمك فيه أجسام مضادة بتهاجم فيروس ولا لا؟ وأما وقته بيختلف من معمل تحليل ايدز للتاني! لكن مانقدرش نقول إن التحليل ده هو الدقيق!

تحليل الإيدز عن طريق الأجسام المضادة

ده غالي شوية، لكنه مدعم نوعًا ما في حميات العباسية، وبياخد حوالي إسبوعين علشان نعرف النتيجة! لكنه أدق تحليل للإيدز في كل الأحوال هنا في مصر وفي الدول اللي على قدها يعني!

ولو كانت نتيجة تحليل الإيدز إيجابية، الدكتور ممكن يقترح عليك عمل بعض التحاليل التانية زي صورة الدم الكاملة و:

تحليل التهاب الكبد الفيروسي.
أشعة على الصدر
مسحة لعنق الرحم
تحليل لعدد خلايا CD4
تحليل مرض الدرن

التحليل المنزلي للايدز وهل هو فعال؟

بالإضافة لأنواع التحاليل السابقة، في الفحص المنزلي للايدز، وبعض التحاليل المنزلية سريعة، بيتم استخدام عصاية فيها بتحطها على لثتك وبتحطها في أنبوبة فيها محلول والنتيجة بتظهر في ربع ساعة! وبعض أنواع التحاليل التانية بيكون فيها إبرة تشكّ بها إيدك وتحط قطرة دم على بطاقة والنتيجة بتظهر لما الخط يكون واضح!

في أماكن مختلفة لعمل تحليل الإيدز بأنواعه، جمعيات مهتمة بالصحة الجنسية موجودة في أماكن مختلفة وبتاخد مع التحليل كاندومز أو واقيات ذكرية، لو عايز تعرف أقرب مكان تقدر تحلل منه شوف الملف ده!

دوس هنا اعرف أقرب مكان ليك لتحليل الإيدز مجانًا

لكن قبل ما تروح تحلل لازم تعرف إن تعامل المؤسسات الحكومية مع اللي بيحللوا زي الخرا، فروح مع حد، لو سألوك أسئلة زي انت عارف بيتنقل ازاي؟ إنتا توب ولا بوتوم؟ قريب ولا بعيد؟ قلهم كسمكم في سرك وخلص التحليل وامشي وارفض إنك تسيب بياناتك طبعًا لأن تحليل الإيدز سري وطوعي، متاخدش الموضوع بشكل شخصي، ولو مرتاحتش للتحليل في مكان حكومي، ممكن تحلل في أماكن غير حكومية في نفس اللينك اللي فوق! المعاملة بتكون أحسن.

لو طلع عندك الإيدز لا قدر الله، بتطلع على حميات العباسية، بتعمل هناك تحليل، المعاملة هناك أفضل، وبعد التحليل الأدق هناك والتأكد هتاخد علاجك وهتبقى عايش تمام وفل الفل، لأن الإيدز زي الضغط والسكر، بيتم علاجه بحبايتين. وبمجرد ما نسبة العدوى تقل في دمك عن حد معيّن، هتقدر تعيش حياتك وتطمن إنك مش ناقل للفيروس ولو كنت حامل ليه! تمام يا حب؟

علاج الإيدز والتعايش معه

مبدئيًا، هل في علاج للإيدز؟

مفيش علاج نهائي، بس قريب يمكن يكون في بنتمنى أهو، والخيارات العادية للعلاج هي لفيروس نقص المناعة مش الإيدز، والعلاج اليومي واللي بتخلي أثر الفيروس بطيء في الجسم!

ازي بيتم علاج الإيدز؟

بيتم علاج فيروس نقص المناعة البشرية والإيدز بكم حباية من الأدوية اللي بتتاخد عن طريق الفم وبتخلي الفيروس القاهر يتقهقر! يعني يتراجع! افتكر دايمًا إن تناول العلاج بيحميك وإنها هي الطريقة الوحيدة علشان تعيش حياتك بشكل طبيعي وتحمي خلايا جسمك من التدمير.

الهدف من أدوية الإيدز المضادة للفيروسات القهقرية هو تقليل مستوى فيروس نقص المناعة البشرية في الدم (تقليل الحمل الفيروسي) لكمية صعب اكتشافها في التحليل، وضرب الفيروس تحت الحزام قبل ما يأثر على مناعتك، وفي ناس بتعيش بالسبعين والتمانين سنة مع العلاج!

ازاي أعتني بنفسي كمريض وأتعايش مع الإيدز؟

بنبعتلك أحضان أول حاجة، اتطمن، كله هيبقى كويس لو لسا مكتشف إنك مريض نقص مناعة، مهم إنك تاخد أدويتك في مواعيدها وتلتزم بيها وتمارس الفحص الدوري المجاني وتعمل تحليل من وقت للتاني!

ليه مهم تاخد أدويتك وتحافظ عليها؟ لأنك لو فوتت الأدوية الفيروس ابن المتناكة بيتحوّل، والأدوية ممكن متأثرش فيه، فمهم تفكر نفسك أول بأول وتاخد الأدوية، ومهم تتواجد في مجموعات للدعم، وفي مؤسسات بالفعل بتقدم دعم للمتعايشين مع الفيروس! متقلقش، كله هيبقى كويس!

اتأكد من إنك بتاخد أدويتك صح زي ما الدكتور ما قال.
احضر كل المواعيد مع الدكتور وبلاش تفوتها مهما كان لأن في مرة ممكن تروح والعلاج يتعدل!
اسمع توصيات الدكتور وبالذات في تجنب الإصابة بأمراض إضافية.

ازاي أمنع انتقال فيروس الإيدز مني للناس التانية؟

متعملش سكس إلا لما تتأكد إن نسبة الفيروس غير معدية!
خد علاجك صح وبالتمام على الوقت
حاول تقترح على الشريك الجنسي بتاعك ياخد حبوب PrEP للوقاية هنقولك تحت ازاي بتتاخد.
استخدم الواقي الذكري لما تعمل سكس حتى لو كانت حمولة الفيروس في الدم معدومة.
لو كنتي حامل ممكن أخد العلاج في وقته يمنع نقل الفيروس لطفلك!

الوقاية من الإيدز

تقليل فرص الإصابة من الإيدز

أفضل طريقة لتقليل خطر الإصابة بفيروس نقص المناعة البشرية هي إنك تكون عارف ازاي بينتقل وتحمي نفسك منه، ودي بعض الحاجات اللي بتساهم في منع الإصابة بالإيدز!

استخدم الواقيات الذكرية المصنوعة من مادة اللاتكس (المطاطية) عند ممارسة أي نوع من أنواع الجنس (مهبلي أو شرجي أو فموي). وزي ما في واقي ذكري في واقي أنثوي بيتحط في الكس أو في فتحة الشرج.
بلاش تستخدم الواقيات الذكرية المصنوعة من المنتجات الحيوانية (مثل جلد الخرفان).
استخدم المزلقات (الحاجات اللي بتسهل دخول وخروج الزب في الطيز والكس) استخدمها لو هي أساسها المية مش الزيت، لأن المزلقات الزيتية بتقطع الكاندوم.
بلاش تشارك مع حد الحقن، ليه أصلًا ممكن حد يشارك حقنة خدها مع حد؟
خد الفحص الدوري السري للإيدز في أي مكان قريب منك، لأنك كل ما تكشف الفيروس بدري كل ما هتبقى صحتك احسن والخطر أقل!
بلاش كحوليات وتعاطي كتير.
لو كنت معرض لخطر التعرض لفيروس نقص المناعة البشرية، خد أدوية ال (PrEP) أو الوقاية قبل التعرض.

هل أدوية الإيدز ممكن تحميني من الإصابة من الإيدز؟

أيوة يافندم، في أدوية ممكن تساعدك في الوقاية من الإصابة بفيروس نقص المناعة البشرية سواء اتعرضت للفيروس بالفعل أو لسا لم تتم إصابتك بيه، والأدوية دي هي العلاج الوقائي قبل التعرض للفيروس (PrEP) والعلاج الوقائي بعد التعرض للفيروس (PEP).

جرب طريقة 2- 1- 1 للوقاية من الإيدز

في طريقة للوقاية من الإيدز، وبتكون بإنك تاخد حبايتين من دواء الإيدز قبل العلاقة من ساعتين ل 24 ساعة، وتاخد حباية بعد العلاقة ب 24 ساعة وحباية تانية بعد الحباية الأخيرة ب 24 ساعة.

2 حباية قبل العلاقة بساعتين إلى 24 ساعة

حباية بعد العلاقة ب 24 ساعة

حباية بعد آخر حباية ب 24 ساعة

تشتري منين الدوا؟ من الصيدليات الكبيرة بس هو غالي حبتين، لكن تقدر تشتريه وتقسّطه!

الوقاية قبل التعرض (PrEP)

PrEP هو تناول حباية كل يوم لو مكنتش مصاب بالفيروس بس معرّض ليه، مين ممكن ياخد ال PrEP؟

إذا لم تكن مصابًا بفيروس نقص المناعة البشرية، وإذا مارست الجنس الشرجي أو المهبلي في الأشهر الستة الماضية، وإذا كان أحد الشروط التالية على الأقل صحيحًا:

لو عندك بارتنر مصاب بالفيروس.
لو مش بتستخدم واقي ذكري بشكل منتظم وانتا بتنيك.
لو تمت إصابتك في آخر 6 شهور بمرض منقول جنسيًا.

الوقاية بعد التعرض (PEP)

العلاج بعد التعرض بيستخدم لو انت بتحاول تمنع إصابتك بالفيروس بعد التعرض له، وده مخصص للي مش مصابين أو مش عارفين اتصابوا ولا لا في آخر سكس عملوه، وعلشان يكون فعال لازم تبدأ في العلاج الوقائي بعد التعرض بمدة ماتزيدش عن 72 ساعة من التعرض وتاخده يوميًا لمدة 28 يومًا.

قبل ما تمشي، افتكر

افتكر إننا بنحبك أول حاجة! وإن العلاجات قطعت شوط طويل علشان توصل للوضع الراهن، تقدر تعيش حياتك عادي وأفضل دايمًا لو التشخيص كان مبكر، واستمريت على العلاج!

بنحبك لأن الوصم ضد المرضى أو حتى الناس اللي عايزة تكشف عادي لسا مستمر، والأطباء والممرضين اللي المفروض يتعاطفوا مع خوفك من عيش حياة صعبة، واللي هم نفسهم ممكن لا قدر الله يتنقل لهم أي عدوى هم بيتنمروا على الناس بيها، للأسف لسا بيعيشوا دور المحكمة الإيمانية الإلهية الصعبة، افتكر إنك إنسان، تستاهل الدعم، الرعاية والحب قبل أي حاجة، وافتكر إن الإيدز دلوقتي زيه زي أي مرض!

الإيدز أو فيروس نقص المناعة البشرية | كل ما تحتاج إلى معرفته