هل أنا مثلي الجنس؟ كتير من الشباب والمراهقين بيتسائلوا السؤال ده خصوصًا لو كان عندهم من الميول المثلية مشاعر أو تجارب تجاه صحابهم، وفي حين إن المجتمع بيتوقع منك إنك تكون “مستقيم” وإن بوصلة زبك تكون متجهة إلى كس أو العكس، كتير مننا كمثليين بينكروا هويتهم، وفي المقال ده جمعنا معلومات مختلفة علشان نعرف الإجابة!
لكن حابين نأكد لك قبل ما تقرأ إن الإجابة على السؤال ده مش موجودة عند حد تاني غيرك! جاهز؟ اركب واقرأ المقال كله!
هل أنا مثلي الجنس لو حلمت إني بنيك صحبي؟
الأحلام الجنسية بتحصل لكل واحد فينا، أو حتى الأفكار أو مشاعر الانجذاب أو الغيرة على الصحاب وغيرها، لكن لو ده حصل، فمش معناه إنك مثلي الجنس خالص! بالعكس مش معنى إنك حلمت أو فكرت أو انجذبت لصاحبك إن ده معناه إنك مثلي وكذلك الأمر بالنسبة للبنات! وعن نفسي أنا بعتبر نفسي مثلي رغم إن كانت بتجيلي أحلام جنسية تجاه صحابي البنات!
لو اتكلمنا عن الميول المثلية أو الانجذاب الجنسي ففي أشكال مختلفة منها، أولها الانجذاب الرومانسي (عندك مشاعر رومانسية قوية تجاه شخص زيك) وفي انجذاب جنسي (حد إنتا عاوز علاقتكم تكون في السرير).
ساعات بيكون الانجذاب الاتنين، جنسي ورومانسي في نفس الوقت، وساعات بتنجذب عاطفيًا للستات لكن مفيش أي انجذاب جنسي ناحيتهم وساعات بتكون منجذب عاطفيًا وجنسيًا تجاه أي جنس! ساعتها بيكون اسمك باي سكشوال!
علشان كده لما تسأل نفسك هل أنا مثلي الجنس؟ فكر في مشاعرك وفي زبك في نفس الوقت، الاتنين بيتحركوا تجاه ناس من نفس الجنس ولا من جنس مختلف ولا الاتنين مع بعض؟
قبل ما نعرف إنك مثلي الجنس ولا لا؟ يلا نشوف إيه أسباب الميول المثلية؟
ليه في بعض الناس بيميلوا لنفس الجنس؟ ليه في ناس بيميلوا بس للجنس الآخر؟ مافيش إجابة نموذجية لحد دلوقتي! لكن في ناس بتحس إنها كانت كده من ساعة ما اتولدت، وفي ناس بيشوفوا إن التجارب الجنسية هي السبب، وإنهم مكتشفوش إنهم مثليين إلا لما بالفعل جربوا وعملوا سكس، سواء كنت بتحس إنك مولود كده، أو التربية هي السبب، أو موقف ما حصل غير نظرتك لميولك، بنحبك وبنتمنى إنك تشوف نفسك بعيون الحب، لا بعيون الناس الكارهة! لأنك مش مشكلة، ولا حاجة وحشة، والدليل كل اللي تعاملوا معاك من أهلك ومن صحابك، وشافوا كل الجوانب فيك وحبوها، والجانب ده ميخصمهمش علشان يقولوا رأيهم فيه! ده يخصك إنتا واللي هتنام معاه على السرير بس!
عايز تتأكد إنك مثلي الجنس؟ خد الاختبار ده
أول سؤال لازم تسأله لنفسك هو انت ليه بتسأل هل أنا مثلي الجنس؟ هل السبب هو انجذابك العاطفي أو الجسدي لشخص من نفس الجنس؟ ولكن لازم نحط النقط على الحروف في السطور الجاية:
- عدم إعجابك بالجنس الآخر لا يعني أنك مثلي الجنس.
- النوم مع (نيك) حد من نفس الجنس لا يعني بالضرورة إنك مثلي الجنس.
- الخيال الجنسي والأحلام مع شخص من نفس الجنس لا يعني إنك مثلي الجنس بالضرورة.
أما الأسئلة اللي محتاج تسألها لنفسك وتجرب علشان تعرف إجابتها فهي:
- هل أنا منجذب جسديًا إلى شخص من نفس الجنس؟
- هل بحس بارتباط عاطفي عاطفي قوي مع شخص من نفس الجنس؟
- هل سبق وانجذبت جنسيا إلى شخص من نفس الجنس (زميل في المدرسة لعب لك فيه مثلًا)؟
- هل كانت عندي تجارب جنسية مع أشخاص من نفس الجنس قبل كده؟
- هل فكرت أو بفكر في إقامة علاقة جنسية مع شخص من نفس الجنس؟
وعمومًا العلماء بيعتبروا إن الاستمناء أو (ضرب العشرات) علامة كويسة لمعرفة التوجه الجنسي، بمعنى لما تضرب عشرة بتميل أكتر لانك تشوف جسم شخص من نفس الجنس ولا من جنس مختلف؟ أو بتحب تتخيل نفسك وانت بتضرب عشرة مع شخص من نفس الجنس ولا من جنس مختلف؟
التجربة بتحكم ولو عايز تعرف إنت مثلي قد إيه، في اختبار كيوت ممكن تاخده من هنا في Buzzfeed
أنا مثلي الجنس، ازاي أبطّل أكره نفسي؟
هو أكيد في اختبارات كتير الناس بتقول عليها وبتاخدها علشان تعرف هل عندها ميول مثلية ولا لا، لكن الكلام ده كله بلح، انت وحدك اللي تقدر تستكشف شعورك وانجذابك الجسدي والجنسي، مهما كانت الأسباب الدينية اللي ممكن تمنعك من إنك تحس بإحساس ما، حطها على جنب شوية، لأنك مش عار، ولأنك طبيعي جدًا وحرام عليك تقمع مشاعرك، وتكبت في نفسك، بل وتلومها وتعتبرها حاجة يع خالص وخرا عليها بس لأن عندك ميول مش إنتا اللي زرعتها في نفسك وملهاش علاج إلا إنك تحب نفسك وتحتضنها على ما هي عليه.
ابحث واقرأ واستكشف، حاوط نفسك بناس داعمين، لكن أهم من الناس الداعمين إنك تعرف إن المثلية الجنسية جانب واحد بس صغنون منك، مينفعش تحكم على نفسك من خلاله، مينفعش تسمح لحد يحكم عليك أو يحاكمك من خلاله، مينفعش تمسحه لأنه مش بقعة مجرّد ما تحط لها شوية منظّف بقع هتروح، حب حذا الجانب الذي لا يعرفه الناس عنك، احتضنه ولا تقاومه ولا تقاوم نفسك، قاوم بدلًا عن ذلك عالمًا يحبسك في جسمك، يقص جناحيك، ويحكم عليك، يقتلك ويقهرك ولا يخجل!
أنا مثلي الجنس، فهل ده معناه إني مش هخلّف؟
أي شخص مثلي الجنس يقدر عادي إنه يخلف زي أي ولد، وأي بنت عاديين، لكن المشكلة في مجتمعاتنا العربية والإسلامية “اللي عاملة نفسها متدينة” التبني حرام، وكذلك معندناش بنوك للمني الشخص يقدر من خلالها يخلف! طبعًا الناس ممكن تستحرم هذا الأمر وضميرها ينقحها على قوانين الأسرة المصرية وأخلاقنا الشرقية، لكن التحرش بسائحة صينية في الشارع ممكن يخليهم يضحكوا مش يستائوا، ووجود الأطفال أبناء الهوى مرميين في الشارع ميثيرش أي تعاطف تجاههم باعتبار إنهم “ولاد حرام”!
هل المفروض أقول للناس إني مثلي الجنس؟
لأ طبعًا مش لازم تقول لحد إنك مثلي الجنس ولا حاجة، خصوصًا إن ده جزء مميز وحساس فيك بعيد عن الخلق، فلو مش مرتاح إنك تتكلم مع حد، متعملش ده، وده مش بيخليك منافق أو كداب لأن محدش له عندك حاجة! وإنت مش مدين لحد بإنك تقوله توجهك الجنسي!
لو في ناس إنتا متأكد إنهم ممكن يحبوك زي ما انتا، ومش هيتغيروا عليك أو هيعاملوك بتعالي أو تطهر بعد ما تقولهم، فشارك ده بكل أريحية لأن الشعور بالحرية حلو مع الناس اللي بتحبهم!
من ناحية تانية، إنك تقول للناس إنك مثلي الجنس ممكن يكون صعب، لأن رهاب المثلية في كل حتة ومش بعيد صاحبك اللي هتقوله يستحل إنه ينيكك ثم يقطع علاقته بيك أو يأذيك بشكل من الأشكال! وكذلك احنا كمثليين ممكن نتعرض للتمييز في الشغل، في المجتمع وساعات بنطّرد من بيوتنا ودوائر صداقاتنا بسبب ده، آسف على صعوبة السطور يا عزيزي، أحضان لك ومحبّة في هذا العالم القاسي!
لو هقول، ازاي أقول لحبايبي إني مثلي الجنس؟
ساعات، لو هتقول وتشارك هويتك، ابدأ من الناس اللي مش هيتغيروا عليك، من بيتك مثلًا، من صحابك المنفتحين، وابدأ أول حاجة بالكلام عن المثلية الجنسية ككل، شوف رأيهم في الحوار، فاحت ريحة الكراهية؟ اهرب ومتقولش وشوفلك صحاب أفضل!
لو مكنتش مرتاح تتكلم عن هويتك وميولك الجنسية قدامهم ممكن تبعتلهم رسالة، أو نوت مكتوبة بخط الإيد تخليهم يقرأوها، أو طريقة تانية تحبها! ولو كنت عايز تكلمهم وجهًا لوجه ومش عارف تجيبها ازاي، ممكن تشوفوف سوا فيلم من أفلام المثلية الجنسية! ودي دخلة ممكن تساعدك تقول لحبايبك إنك مثلي:
“لأنك مهم، وخايف أخسرك لو عرفت، لكن أحب إني أقولك وأشاركك إني مثلي، والذكريات اللي شاركناها بتخليني أتوقع إنك هتدعمني مش هتكرهني.” وكذلك الأمر بصيغة المؤنث
ومتنساش تقولهم إنت عايزهم يشاركوا المعلومة دي مع ناس تانية ولا لأ؟
اعمل إيه لو قلت لحد إني مثلي الجنس وعايرني أو قاطعني؟
ساعات يا حبّي الناس بيخالفوا توقعاتنا وبيرموا ذكرياتنا لو عرفوا إننا مثليين أو شواذ، ممكن يتجاهلوا الموضوع، أو يضحكوا عليه أو يحاولوا يقنعوك تجرب مع حد من الجنس الآخر، أو الأسوأ يطلبوا منك تشوف دكتور، في الحالة دي، احتضن نفسك، وقرب اكتر من ناس داعمين بيحبوك زي ما انت من غير ما يطلبوا منك تغير حاجة في نفسك. واعرف إن الشخص اللي مشافكش كلك على بعضك ميستاهلش إنك تصاحبه!
افتكر إنه مش انت المشكلة، مش انت الذنب، ميولك مش مشكلة ولكن ردة فعل الناس هي المشكلة، وعماهم ونسيانهم كل حاجة حلوة علشان بس عرفوا معلومة صغنونة مكانتش مؤثرة أو مضرّة وانتوا صحاب.
مش سهل أكيد ناس كنا بنحبهم يسيبونا في غمضة عين، لكن الحبايب مخلصوش يا قلبي، واللي هيحبوك ويقبلوك زي ما انت كتير، لاقيهم بس!
أما لو كنت في البيت وأهلك طردوك، أو هددوك وعاملوك بشكل مش كويس، فحاول تتواصل مع مؤسسات كويرية في بلدك بحيث توفر لك المكان الآمن ولو مؤقتًا!
قبل ما تمشي، بنبعتلك أحضان
ممكن اللي حواليك في أي حتة وأي مكان يحشروا مناخيرهم في طيزك ويسألوا من وراك جوجل “كيف أعرف أن هذا الشخص مثلي؟” ويجيبوا الموضوع بطريقة أو غيرها مباشرة ليك، في النهاية الشخص الوحيد اللي يقدر يصنف نفسه في تصنيف ما هو إنتا، وأنت لك السلطة المطلقة على جسدك، وبغض النظر عن التسمية اللي بتختارها، بنحبك.
متنساش تقرأ باقي مقالات قسم ذاتي، لو لسا بتستكشف هويتك، وكمان مقالات سيكو سيكو لنصائح في الصحة الجنسية وممارسة الجنس الآمن!
[…] اقرأ أيضًا: هل أنا مثلي الجنس؟ كل ما تحتاجه لتعرف ميولك […]
[…] اقرأ أيضًا: هل أنا مثلي الجنس؟ كل ما تحتاجه لتعرف ميولك […]