الجماع أو الممارسة الجنسية بتختلف من شخص للتاني، ومفيش طريقة صح أو غلط نعمل بيها كده، أهم حاجة إن أي علاقة جنسية تكون بالتراضي، وممتعة، وآمنة للطرفين.
تعلم الجماع مش صعب، لأنه الجماع مش معناه إنه العملية الجنسية تكون في المهبل (الكُس) بس لكن فيه أنواع كتير ومختلفة من الجنس، وكلها ليها طريقتها وأهميتها وده اللي هنوضحه هنا في المقال ده، فاتأكدوا إنكم قرأتوه كله.
لو إنت بتمارسوا الجماع اللي ممكن يسبب حمل، مهم تفكر في أهدافك من ناحية الإنجاب، هل انت مستعد تجيب عيل ولا لا وكمان في وسائل منع الحمل المختلفة اللي ممكن تناسبك، في منها للرجالة وفي منها للستات.
الواقيات الذكرية ممكن تساعد بشكل كبير في الحماية من الأمراض المنقولة جنسياً (STDs)، وده بيشمل أنواع كتير من الممارسات الجنسية.
سواء كنت بتدور على طرق تعلم الجماع علشان تجرب لأول مرة، أو بس عايز تفهم أكتر عن العلاقات الحميمة، إحنا هنا علشان نساعدك. في الدليل ده، هنتكلم بالتفصيل عن الجماع، إيه هو، إيه اللي ممكن تتوقعه، وإزاي تعيش التجربة دي بأمان من غير قلق وتقعد لأطول فترة ممكنة وتتأكد من الاستمتاع في الجماع بين الزوجين. كتبنا المقال ده علشان عايزينك تكون مرتاح وتستمتع بكل حاجة ممكن الجماع يقدمهالك لأنه زي ما الشاعر ما قال، النيك إحساس مش رزع وخلاص. كملوا قراءة علشان تعرفوا أكتر.
إيه هو الجماع؟
كل واحد عنده فكرته الخاصة عن الجماع، وفيه طرق كتير مختلفة الناس بتمارس بيها الجنس، والجماع مش لازم دايمًا يبقى عن طريق إدخال الزب في الكس، ممكن يبقى الجماع من الخلف (الزب في الطيز) بين راجل وست، أو راجل وراجل، أو ست هي اللي تنيك راجل وتدخل “أدوات جنسية” في طيزه، ومش كل الستات بيمارسوا الجماع علشان الإنجاب، لأ، في ستات بيعملوا كده علشان المتعة وبس، ولإنه الجماع وسيلة أفضل إننا نقرب من الشريك وكمان نقرب من جسمنا، فالنيك أو الجماع بين الزوجين باختصار هو اتصال بينك وبينك جسمك عن طريق الاتصال الجسدي بشخص تاني.
أول مرة في الجماع، إيه اللي محتاج تعرفه؟
حتى لو كنت قلقان أو متوتر من موضوع الجماع الاول، مهم إنك تكون مستعد وتعرف إيه اللي ممكن يحصل في المرة الأولى دي.
مش هتخسر حاجة بالعكس، مزاجك هيروق
النيك أو الجماع ممكن يحسسك إنها حاجة كبيرة، خاصة إن فقدان العذرية في المجتمعات العربية له علاقة بالشرف، ده بيكون ظالم للبنت في حين إن الولد بيعمل اللي هو عاوزه، والعنصرية الاجتماعية دي ملهاش أي أساس في الدين، فالشرف شرف عند الولد والبنت، وزي ما من حق الولد ينيك وقت ما هو عايز، من حق البنت تستمتع بجسمها زي ما هي عايزة، وبالتالي متفكرش في الجماع على إنه وقت لخسارة حاجة، بل على العكس، هي تجربة بتقربك من جسمك، بتخلي حد يكتشف إن البوس في الرقبة بيهيجه أو بيهيجها، في حين إنه حد تاني لأ اللي بيهيجه أكتر البوس والقبلات في الفم.
لو في الجماع أول مرة مارست النيك في الكس، ففيه احتمال بسيط إن غشاء البكارة يتمدد، وده ممكن يسبب شوية نزيف بسيط أو شوية وجع. بس الحقيقة إن أغلب البنات لما بيوصلوا لسن البلوغ، غشاء البكارة بيكون تمدد أصلًا من أنشطة تانية في حياتهم. ومفيش أي طريقة نعرف بيها إذا كانت البنت عذراء ولا لأ بمجرد النظر لجسمها ودي معلومة غير مهمة بالمرّة ومينفعش نحكم على شرف بنت من ده، لأنه ببساطة ممكن يكون الغشاء تمدد من أي أنشطة أو إمتاع ذاتي.
ورغم إن جسمك مش بيتغير بعد ممارسة الجنس، إلا إن فيه شوية حاجات بتحصل في الجسم وقت الإثارة الجنسية، وده بيحصل سواء كنت بتمارس الجنس مع حد أو حتى أثناء ممارسة العاده السريه لوحدك، من العلامات دي:
- ضربات قلبك بتزيد
- نفسك بيبقى أسرع
- ممكن تحس بعرق
- الدم بيتدفق للأعضاء التناسلية وبيخليها تكبر (سواء الزب أو البظر)
- المهبل بيتوسع وعمقه بيزيد
- بيطلع سائل طبيعي من المهبل يساعد في الترطيب
- رأس الزب كمان ممكن يفرز سائل شفاف قبل القذف
الجماع الاول مش لازم يبقى مؤلم أو محرج
ناس كتير بتحس بالقلق أو الخوف لما يفكروا في الجماع لأول مرة. وده غالبًا بيبقى بسبب إننا مش عارفين إيه اللي هيحصل أو بسبب الوصمة اللي حوالين الموضوع، أو صورتك قدام مراتك اللي لسا أول مرة تنام معاها، أو شريكتك أو أيًا يكن، الحقيقة إن مفيش حاجة تخوف أو تحرج خصوصًا أول مرة لأنكم بتعرفوا بعض، جسمكم بيتعرف على بعض، والجنس حاجة طبيعية جدًا! أجسامنا مخلوقة علشان تحس بالمتعة منه، لكن للأسف المجتمع صور لنا الحب على إنه عيب، كمان عدم التوعية والتعليم الجنسي خلى الناس تفهم إن الألم هو اللي بيخلي السكس حلو، لأ، اللي بيخلي السكس حلو هو انغماسك في اللحظة مع الشريك، اتصالكم ببعض، سماعكم لبعض، إحساسكم ببعض هو ده جوهر الجماع بين الزوجين.
ولو كنت قلقان أو متوتر وقت أول مرة للجماع، ممكن ده يخلي التجربة مش مريحة. علشان كده، خد وقتك، وخلّي بالك إنك تكون مرتاح ومستعد، شوفو فيلم ممكن يهيجكم سوا، استخدموا المزلقات أو زي ما بسميها الزفلوط لأنه (بيقلل الحساسية والاحتكاك) وكمان المداعبة قبل العلاقة ممكن تخلي دخول الزب ممتع أكتر وتهيأله الطريق. بس لو الوجع بيستمر كل مرة بتمارس فيها الجنس، ممكن يكون فيه سبب طبي، وساعتها لازم تروح لطبيب أو طبيبة.
قبل الجماع، الموافقة مهمة جدًا (اطلب الموافقة واديها!)
واحدة من أهم الحاجات وقت الجنس هي إنك تتأكد إن شريكك فعلًا موافق وعايز يعمل كده، والموافقة دي لازم تبقى موجودة كل مرة، مش بس أول مرة! متضغطش أبدًا على حد إنه يعمل حاجة مش عايزها.
خد بالك كمان إن القُصّر مش من حقهم يوافقوا قانونيًا فعيب على سنك لو انت طويل وهايف وبشنب وبتحاول تعمل سكس مع عيل أو بنت لسا عندهم 14 أو 15 سنة، مش مؤهلين لسا يابا، وكمان الناس اللي سكرانين أو نايمين أو تحت تأثير مخدرات مش ينفع يوافقوا وحتى لو وافقوا مينفعش نعتبر موافقتهم دي واعية. فالتواصل الواضح مهم جدًا. سهل تسأل شريكك لو مبسوط ولا لأ علشان تكمل، ممكن تقول مثلًا:
- “بتحب كده؟”
- “تحب أوقف؟”
- أكمل
- مبسوط؟
- مستمتع؟
مهم تديهم فرصة يقولو لأ، مش معنى إنها قالتك بلاش هارد سكس، أو إنك تنيكني في كسي، إنك تعاقبها وتلوي بوزك، السكس طعمه حلو لو الاتنين موافقين، وطعمه زي الخرا، لو في حد مجبور.
وبرضه، دايمًا تفتكر إنك تقدر توقف في أي وقت. مش علشان وافقت قبل كده يبقى لازم تكمل. سواء كانت دي أول مرة أو المرة الخمسين، من حقك تغير رأيك في أي وقت وتقول لأ.
في الجماع، مش لازم نجيبهم
كل جسم بيكون مختلف عن التاني، وكل واحد فينا بيحس بالمتعة الجنسية بطريقته. أول مرة تمارس فيها الجنس معناها إنك بتبدأ تتعرف على جسمك وعلى الحاجات اللي بتعجبك إنت وشريكك، وده ممكن ياخد شوية وقت، فمتقلقش لو لقيت صعوبة توصل للنشوة أو تجيبهم أو لو شريكك موصلش ليها أول مرة بس مهم إنكم تحاولوا تاني، بقول كده لأن كتير من الرجالة مش بيهتموا بإن شريكاتهم وصلوا للنشوة أو لا، وبمجرد ما الراجل ما ينزل شوية اللبن الذين لا يغنوا ولا يسمنوا من جوع، بيقول على الدنيا السلام وبتاعه بينام ومش بيهتم إن الست توصل للنشوة.
اسأله/اسأليها عن الحاجات اللي بتحسسه بالمتعة، وجربوا أفضل أوضاع الجماع وأنواع مختلفة من الجنس لحد ما تلاقوا اللي بيريحكم، ناس كتير بتلاقي إنه ضرب العشرة (العادة السرية) أسهل في الوصول للنشوة، فممكن توري لشريكتك إيه اللي بيعجبك، أو تقضي وقت تكتشف فيه إيه اللي بيسعدك.
عكس اللي بنشوفه في الأفلام والمسلسلات والروايات، مش سهل إن الست توصل للنشوة حتى في افضل اوضاع الجماع، بس من دخول الزب في الكس أو الإيلاج أو ما يسمى بالجماع، بل إن فيه دراسة بتقول إن 18% بس من الستات بيقدروا يوصلوا للنشوة من العلاقة المهبلية بس. فلو حابب تتعلم أكتر عن المتعة الأنثوية، يبقى مهم تفهم البظر، لأنه عضو حساس جدًا وممكن يتنشط أثناء الجنس، أو من خلال ألعاب جنسية، أو الجنس الفموي، وده بيساعد كتير على الوصول للنشوة.
الجنس الآمن = توتر أقل
واحدة من الطرق اللي بتخلي أول مرة تمارس فيها الجماع الاول تكون أهدى، هي إنك تكون مستعد كويس – ومش بس من ناحية المشاعر! لأن مش كل أنواع الجنس بتؤدي للحمل، بس لو ناوي تمارس الجنس المهبلي ومش عايز يحصل حمل، يبقى لازم تفكر في وسائل منع الحمل.
صحيح إن موضوع منع الحمل غالبًا بيبقى مسئولية الست أو المجتمع بيجبرها على ده وهي في الآخر اللي بتلبس قدام المجتمع وبتتلام لو حملت أو لو حملت وجابت بنت (تخلف بعيد عنكم)، بس لازم تتكلم مع شريكك عن الوسيلة اللي هتستخدموها مع بعض. مفيش وسيلة مضمونة 100%، وكل واحدة ليها مزاياها وعيوبها.
لو مارست الجنس من غير وقاية وقلقان من الحمل، فيه وسائل طارئة لمنع الحمل ممكن تستخدمها خلال خمس أيام من العلاقة، وممكن تشتريها من الصيدلية من غير روشتة، أو تلاقيها ببلاش أو بسعر قليل في عيادات الصحة الجنسية اللي بتقدم دعم تعليمي في الجنس.
وبرضه مهم تعرف عن الأمراض المنقولة جنسيًا، والواقي الذكري بيساعد في الحماية منها، ولو مارست الجنس من غير حماية وقلقان، مهم إنكم تاخدوا أدوية مضادات حيوية باستشارة طبيب، وأدوية بريب Prep لمنع انتقال الفيروس المسبب لمرض الإيدز (Hiv) وروح اعمل تحليل في عيادة صحة جنسية. كل الأمراض دي ليها علاج، ومعظمها ممكن يتم الشفاء منه، بس المهم إنك تتحرك بدري.
الجماع مش هو أفلام السكس
كتير من المراهقين والناس اللي داخلين على جواز بيحسبوا إن الجماع الاول هيكون زي أفلام السكس وإن السكس في الحقيقة هيبقى زي اللي بيشوفوه، الحقيقة ده كلام مغلوطبس معذورين لأن أول احتكاك ليهم بالسكس هو عن طريق الأفلام دي، فطبيعي تفكر فيها كجزء من حياتك ومن الواقع مش الخيال، لكن لازم تفهم إن الأفلام دي تمثيل، معمولة كده علشان تهيجك، هي بدون مشاعر وبدون أحاسيس، بس تمثيل في تمثيل! ممكن تستفيد منها في تجربة حاجات جديدة لو حابب، بس الأهم إنك وشريكك متتحطوش تحت ضغط تعملوا حاجة مش مرتاحين ليها.
نصايح علشان تهدي التوتر من الجماع
متنامش غير مع حد إنت واثق فيه
التواصل الصريح والموافقة المتبادلة حاجات أساسية في العلاقة الحميمة. فلو هتبدأ تمارس الجنس، الأحسن يكون مع شخص بتحس بالأمان معاه. لما تحس بالأمان، هيكون أسهل ترتاح وتتكلم بصراحة.
اختار مكان تحس فيه بالأمان
مش بس الشخص اللي معاك، المكان كمان مهم. سواء بيتك أو بيته/بيتها، الإحساس بالراحة في المكان هيساعدك تهدى وهيساعدك تأدي كويس في أول مرة جماع.
استعد قبل الجماع
لو ناوي تمارس الجنس لأول مرة، خليك جاهز، احلق، جهز واقياتك الذكرية، خد بريب بنظام اتنين اتنين واحد. لمنع انتقال الفيروس المسبب لمرض الإيدز وأهم حاجة يبقى معاك مزلقات (حاجات تزفلط) يكون أساسها مائي مش زيتي والمكان المريح طبعًا.
خدها بالراحة
متحطش ضغط على نفسك أو تستعجل. الجنس في الآخر متعة. إنت اللي بتتحكم في السرعة، فخد وقتك، واسمع شريكك لو قال/قالتلك تبطأ، ولو قدرتوا تتصلوا ببعض وتترابطوا مع بعض كأنكم جسم واحد هتقدروا تجيبوهم سوا في نفس الوقت وتوصلوا للنشوة الجنسية بسلاسة وبدون ضغوط.
لو حسيت إنك مش مرتاح، فرمل
لو في لحظة حسيت إن في حاجة غلط، عادي توقف. لو مش عاجبك حاجة في الشريك، متكملش، لو مش بيعرف يبوس وقفه. الشخص اللي بيحترمك هيفهم، وممكن تجربوا تاني وقت تاني وتحلو المشكلة أكيد.
افضل الاوضاع الجنسية مش لازم تكون نيك في الكس أو الطيز
مش لازم الجنس يكون دخول الزب في الكس. فيه طرق كتير ممكن تعيش بيها لحظات حميمة مع شريكك. في ناس عمرهم ما مارسوا الجنس المهبلي، ومع كده نشطين جنسيًا عن طريق الحاجات دي:
- الجنس الفموي: اللحس والمص أو مداعبة الأعضاء التناسلية والحلمات بالفم.
- الجنس الشرجي: دخول العضو أو ألعاب جنسية أو صوابع في فتحة الشرج.
- المداعبة بالأصابع والاستمناء عند الرجالة: استخدام الإيدين أو الصوابع لتحفيز الأعضاء التناسلية وفي رجالة بيهيجوا بالبعابيص، فمش معناها إنك خول خالص، لو شريكتك بعبصتك، بالعكس الجي سبوت هتشكرك (المكان اللي ملامسته بتخليك تجيبهم وده مفيش طريقة للوصول ليه إلا عن طريق خرم طيزك).
- الاستمناء أو العادة السرية: مداعبة نفسك للمتعة الجنسية، سواء لوحدك أو مع شريك هي كمان طريقة.
إيه هي الرغبة الجنسية وبتيجي منين؟
الرغبة الجنسية هي ببساطة الإحساس إنك عايز تمارس الجنس أو هي الرغبة في الجماع، بس هي مش ثابتة، يعني بتختلف من شخص للتاني، وكمان ممكن تتغير مع الوقت طول حياتنا. وفيه عوامل كتير بتأثر على الرغبة دي، زي التوتر، أو حتى لو غيرنا نظام أكلنا. وكمان فيه علاقة بينها وبين هرمونات الجسم:
عند الرجالة: هرمون التستوستيرون.
عند الستات: الإستروجين والبروجسترون.
الهرمونات دي بيكون فيها توازن دقيق، وأي حاجة تأثر على التوازن ده، ممكن تأثر مش بس على الرغبة الجنسية، لكن كمان على المزاج أو حتى صفاء البشرة!
كمان، فيه أدوية كتير ممكن تخلي الرغبة الجنسية تقل، زي أدوية الاكتئاب أو بعض أنواع وسائل منع الحمل.
بالنسبة للستات، الجماع وقت الدوره دينيًا محرم في بعض الديانات، رغم إن الوقت ده بيكون فيه وقت بيزيد فيه هرمون الإستروجين (خاصة وقت التبويض)، وده ممكن يخلي الرغبة الجنسية تزيد وهو آمن بس له طرق معينة وترتيبات محتاجين تعملوها.
بس الجماع وقت الدوره بردو مش لازم يكون محبذ من البنت، لأن هرمون البروجسترون بيزيد، وده ممكن يخليها تحس بالتعب والكسل، والرغبة تقل.
أما الرجالة، فرغم إن مفيش دورة شهرية، لكن هرمون التستوستيرون بيكون في أعلى مستوياته الصبح (وعشان كده الانتصاب الصباحي)، وبعد كده بيبدأ يقل خلال اليوم.
ولو حاسس إن في حاجة مش مريحة ليك في الرغبة الجنسية، ممكن تتكلم مع دكتور أو أخصائي صحة.
يعني إيه “النشوة الجنسية”؟
النشوة الجنسية – أو الوصول للذروة – أو بمعنى تاني إنك تجيبهم، أو تنطرهم، هي اللحظة اللي الجسم فيها بيوصل لأقصى درجات المتعة الجنسية. غالبًا بيكون فيها إحساس قوي بالراحة والمتعة، مع انقباضات لا إرادية في منطقة الأعضاء التناسلية.
عند الرجالة: بيحصل القذف (خروج السائل المنوي) أو ما يسمى باللبن عند الناس.
عند بعض الستات: ممكن يحصل قذف أنثوي كمان، من غدد قريبة من مجرى البول.
في ناس بيوصلوا للنشوة بسرعة، وناس تانية بتاخد وقت أطول. ومش لازم توصل ليها في كل مرة تمارس فيها الجنس. حتى من غير النشوة، العلاقة نفسها ممكن تبقى ممتعة ومُرضية.
كمان النشوة مش متشابهة عند كل الناس – ممكن تختلف في المدة أو القوة من شخص للتاني. والستات ممكن يوصلوا لهزات جماع أكتر من مرة في العلاقة، لكن الرجالة غالبًا بيحتاجوا وقت بعد النشوة عشان يقدروا يكرروا.
13 نصيحة عند الجماع الاول
زي ما قلنا قبل كده إن التواصل الجيد، والتربية الجنسية، وكسر المحرمات الزائفة هي بعض المفاتيح اللي بتخلي تجربة الجماع الأول صحية ولذيذة مش كابوس.
إن فكرة ممارسة الجنس للمرة الأولى بييجي معاها شكوك كتير سواء عن الألم، أو الاستمتاع أو غيرها ن الحاجات فلو بتفكر في الموضوع كتير النصايح دي هتساعدك جدًا وعن تجربة.
١. اتكلموا بصراحة وبوضوح قبل الجماع
الكلام بصراحة ومن غير لف ودوران مع شريكك مهم جدًا لو قررتوا عند الجماع. فأول حاجة، لازم يكون في موافقة بينكم وإن انتو الاتنين تكونوا حاسين بالراحة. كمان، علشان كل واحد يقدر يقول إيه اللي متوقعه، نفسه فيه، أو قلقان منه.
الكلام الواضح بيقلل التوتر اللي بيكون موجود قبل الخطوة دي، وكمان بيساعد تطرحوا الأسئلة اللي محتاجة إجابة قبل ما توصلوا للمرحلة دي.
بس خليك دايمًا متفاهم ومراعي لمشاعر الطرف التاني. وممنوع تمامًا تحاول تضغط عليه أو تخليه يعمل حاجة هو مش مستعد ليها (بلاش بضان) وارفض الضغوط.
٢. مارس الجماع لما تكون جاهز مش مضغوط
أول مرة دايمًا بيكون ليها طابع خاص عند ناس كتير. علشان كده، من حق كل شخص يقرر إزاي؟ إمتى؟ ومع مين؟ يحب يعيش اللحظة دي.
ممكن تحس إن في ضغط من الناس اللي حواليك علشان تاخد الخطوة دي، بس لازم تبقى عارف إن مفيش حد ليه حق يقرر عنك.
مفيش سن مثالي ولا وقت محدد، في بس إحساسك إنك مرتاح ومستعد نفسيًا وجسديًا. وبلاش تتأثروا بكلام صحابكم اللي بيحسسوكم إنكم متأخرين وفايتكم كتير!
٣. علّم نفسك قبل الجماع
مفيش وصفة سحرية لأفضل طريقة تمارس بيها الحب أول مرة، بس في معلومات كتير مفيدة ممكن تساعدك إنك تعيش تجربة آمنة وممتعة.
لما تعرف أكتر عن جسمك وجسم شريكك، وتفهم التغيرات اللي بتحصل وقت العلاقة أو بعدها، ده بيخليك أكثر ثقة وراحة.
كمان مهم تتعلم عن وسائل الحماية من الحمل والأمراض المنقولة جنسيًا، وازاي تقلل القلق لو حصلت مواقف مش متوقعة أو حسيت بشكوك.
٤. حاول تهدى أثناء الجماع
من الطبيعي جدًا تحس بالتوتر أو القلق أو حتى الخوف قبل أول مرة.
أسئلة زي “هل هتتوجع؟”، “هل الطرف التاني هينبسط؟” هل هكون كويس؟ والأحجام والأطوال بتاعة الزب والكس والبزاز والطياز، كل ده كلام فارغ لما الاتصال الجنسي والعاطفي بيحصل، فابعد الأفكار دي عنك، علشان دي حاجات بتخلي التوتر يزيد. لكن لو التوتر ده ما اتدارش كويس، ممكن يبوّظ التجربة.
لو كنت مش مسترخي، ممكن تحس بألم أو مشاعر مش لطيفة وقت العلاقة. مثلًا، الستات لو كانوا متوترين، عضلات المهبل بتشد، وده بيخلي الإيلاج أصعب وممكن يكون مؤلم.
خد وقتك، استرخي، خليك هادي، وابدأوا بالمداعبة لأنها بتساعد على الهيجان جسديًا والراحة النفسية والمتعة بعد السكس.
٥. بلاش تحط توقعات خرافية
أوقات بيكون عندنا أفكار عن الجنس مأخوذة من أفلام أو كلام الناس أو الإنترنت، ودي ساعات بتكون مش حقيقية أو مبالغ فيها.
مثلاً، في ناس فاكرة إن الست لازم تنزف لأنها فقدت العذرية، أو إنه لو بيعمل سكس مع ولد فلازم يحول خرم طيزه إلى كس، صحيح أول مرة دايمًا ممتعة ورومانسية. لكن في الحقيقة، ممكن تكون محرجة، غريبة، أو مش بالشكل اللي كنت متخيله.
كل تجربة مختلفة عن التانية، وبتتأثر بحالتك النفسية وجسمك والعلاقة اللي بينك وبين شريكك. خليك مركز في اللي بيخليك مرتاح ومبسوط، ومتقارنش نفسك بالحاجات اللي بتشوفها في الإعلام أو الأفلام.
٦. اعرف جسمك وجسم شريكك
زي ما قلنا فوق، لو عايز تجربة واقعية أكتر، يبقى مهم تعرف إيه اللي بيحصل لجسمك وقت العلاقة. طبيعي إن أنفاسك تكون أسرع، والقلب يدق أسرع، والجلد يسخن ويتعرق. ولو كنت راجل، فهتحس بالانتصاب، وطلوع الخصيتين لفوق، وإفراز السائل المنوي. لو كنتي بنت، هيحصل انتفاخ في الفرج، حساسية في الحلمات، وترطيب في المهبل.
ولو حصل إيلاج، ممكن غشاء البكارة يتمزق ويحصل نزيف خفيف، بس ده مش شرط يحصل، ومش علامة أكيدة على العذرية والعذرية مش علامة على الشرف والله العظيم. الغشاء ده ممكن يكون اتأثر من رياضة أو أي نشاط تاني، أو أصلاً تكوني اتولدتي من غيره.
بعد العلاقة، الجسم بيرجع لطبيعته، لكن ساعات ممكن يحصل شوية وجع، خاصة عند البنات، أو عند الرجالة اللي بيمارسوا جنس شرجي (اللي اتناك هو اللي بيتوجع)، وده بسبب الاحتكاك أو تمزق بسيط في الغشاء. الألم ده بيكون مؤقت، وبيروح في خلال ساعات أو يومين.
٧. فكّر تستخدم مزلق (حاجة تزفلط)
لو كنتوا هتمارسوا الجنس المهبلي أو الشرجي، طبيعي تحس بشوية ألم أول مرة، ومش كل الناس بتحس بيه، عند البنات، المداعبة بتساعد على ترطيب المهبل طبيعيًا، لكن لو التوتر عالي، الجسم ممكن ما يفرزش الترطيب الكفاية.
هنا بقى ممكن تستخدموا مزلق حميم أو زفلوط. في منه أنواع أساسها مائي، سيليكون، أو تركيبات تانية. وهو في كل الأحوال بيساعد على تقليل الاحتكاك وتسهيل الإيلاج.
لو هتستخدموا واقي ذكري، خلي بالك إن المزلقات اللي فيها زيوت ممكن تبوّظ الواقي وتقطعه وكمان بتبهدل اللبس (صحيح هتكونوا قالعين بس ممكن الهدوم تتبقع). فاختاروا نوع مناسب للواقيات.
٨. اعرف وسائل منع الحمل
وسائل منع الحمل مهمة جدًا للحماية من الحمل ومن الأمراض الجنسية. والواقي الذكري من أكتر الطرق أمانًا وسهولة، لأنه بيحمي من الحمل وكمان من الأمراض.
لكن في وسائل تانية زي الحبوب، اللولب، الحلقات، الحقن… كلها بتحمي من الحمل، بس مش من الأمراض.
الأفضل تكلم مع دكتور أو دكتورة علشان تعرفوا إيه الأنسب ليكم. وخلي بالك، الحمل ممكن يحصل حتى من أول مرة، فلو مش عايز ده يحصل، لازم تستعمل وسيلة حماية دايمًا.
٩. لو محتاج مساعدة، اطلبها
قلة الخبرة الجنسية طبيعية، وكلنا بنبدأ من مكان فيه أسئلة كتير.
علشان تكون مطمن أكتر، ممكن تتكلم مع حد موثوق فيه: دكتور، استشاري علاقات، أو حتى حد من صحابك لو بتحس بالأمان معاه. المهم الشخص ده يكون بيفهم، ومحترم، ومش بيحكم على قراراتك. والمهم إنه يساعدك تتكلم بصراحة، وتفهم جسمك وتوقعاتك، هيخلي أول مرة أهدى وأأمن.
١٠. اختار مكان هادي ومريح للجماع
من العوامل اللي بتأثر على راحتك وقت الجماع هو المكان. لو حاسس إن في حد ممكن يقاطعك أو المكان مش آمن، هتفضل مشدود ومتوتر.
فلازم تكون في مكان تحس فيه بالأمان والخصوصية، علشان تقدر تعيش اللحظة من غير قلق. ولو مش متوفر دلوقتي، عادي جدًا تأجل التجربة.
١١. اختاروا وضعية مريحة
مفيش حاجة اسمها أحسن وضعية للجماع للعلاقة الأولى. في ناس بتفضل وضعية (الراجل فوق)، وناس تانية بتكون مرتاحة لما البنت تبقى فوق، أو الوضع الجانبي (الملعقة)، أو حتى من ورا أو وانتوا واقفين لو مستعجلين.
الفكرة إن أحسن وضعية للجماع هي اللي تريحكم وتخلي في تواصل سهل بينكم انتو الاتنين. والمهم تاني إنها تكون مريحة، ممتعة، ومبنية على التفاهم والراحة للطرفين.
١٢. مش لازم توصل للنشوة الجنسية
في ناس بتفتكر إن لازم يحصل نشوة أو “أورجازم” في أول مرة عند الجماع. بس الحقيقة إن ده مش دايمًا بيحصل، وده طبيعي جدًا.
ممكن توصل لها بعد شوية وقت وتجربة، مع إن النشوة مش هي الهدف الوحيد. الحوار بينكم، المداعبة، والجنس الفموي مهمين جدًا عشان كل طرف يعرف جسم التاني ويبدأ يستكشف اللي بيحبه.
١٣. ممكن تأجّل لو حبيت
افتكر دايمًا إنك تقدر تأجل العلاقة في أي لحظة، حتى لو كنت بدأت ومشيت خطوة. لو حسيت بألم، أو مش مرتاح، أو ببساطة مش جاهز، من حقك توقف.
العلاقة دي مش فرض عليك أو إجبار ولو كانت كده فهي اغتصاب حتى لو كان جوزك هو اللي بيجبرك، ومينفعش العلاقة تكون مصدر ضغط أو توتر. لازم تكون اللحظة دي نابعة من راحة وحب وتفاهم.
إزاي تمارس الجنس بأمان؟
الإحساس بالأمان لما تبدأ تكتشف نفسك مهم جدًا. ودي شوية أفكار ممكن تساعدك تبدأ:
اتكلم مع شريكك
اتكلم مع شريكك الجنسي بهدوء وبصراحة عن أي حاجة مضايقاك أو أي حاجة لازم يعرفها. التواصل دايمًا بيساعد يخفف القلق. ممكن في الأول تحس إن الكلام عن الجنس غريب أو محرج، بس الحوار ده ممكن يقربكوا من بعض أكتر.
استخدم الواقي الذكري
سواء في احتمال للحمل أو لأ، الواقي الذكري بيحميك من الأمراض اللي بتنتقل عن طريق الجنس. تقدر تستخدمه في الجنس الشرجي، المهبلي، أو الجنس الفموي. كمان ممكن تستعمله مع وسائل منع حمل تانية (زي حبوب منع الحمل) علشان تبقى متطمن أكتر.
اعمل تحليل للأمراض اللي بتتنقل عن طريق الجنس
أول ما تبدأ تمارس الجنس، الفحص المنتظم بيديك راحة بال. حتى لو مش حاسس بأي أعراض، في أمراض كتير مبتظهرش ليها علامات.
لو شريكك كان له علاقات تانية قبل ما يبقى معاك، المفروض هو كمان يعمل التحليل قبل ما تمارسوا الجنس من غير واقي. التحليل بسيط وسهل، وتقدر تعمله عند دكتور النساء وقت الكشف العادي، أو تروّح عيادة صحة جنسية، أو حتى تطلب تعمله في البيت.
إزاي تحمي نفسك من الأمراض المنقولة جنسيًا؟
أأمن طريقة تحمي بيها نفسك هي إنك تستخدم الواقي الذكري دايمًا، خصوصًا مع شريك جديد. ولما الاتنين يطلعوا تحاليلهم سلبية، ممكن يقرروا يمارسوا الجنس من غير واقي. ولو لسه عايز تستخدم الواقي، شريكك لازم يحترم ده والعكس كمان. العلاقة الجنسية برضو معناها توافق واحترام.
الوقاية من الأمراض الجنسية دي وأعراضها وعلاجها
فيه أنواع كتير من الأمراض المنقولة جنسيًا. بعضها مفهوش أعراض أو بتظهر متأخر. علشان كده مهم تعمل كشف دوري، خصوصًا لو ليك أكتر من شريك. ممكن كمان تكون مؤهل لفاكسينات زي بتاعة فيروس الورم الحليمي البشري على حسب سنك ومكانك. وفي أمراض حتى بعد العلاج بتفضل مزمنة، وممكن تتنقل حتى لو الأعراض اختفت، فالمصارحة مع شريكك مهمة جدًا.
الأمراض دي مش شرط تيجي من الجنس المهبلي بس. ممكن تيجي من طرق تانية زي التلامس أو الجنس الفموي أو الشرجي. ورغم إنها ممكن تكون وصمة، فهي منتشرة، وفي الغالب ممكن تتعالج.
إيه الأمراض اللي ممكن تتنقل بالتقبيل (بالبوس)؟
- الهربس الفموي (HSV-1)
- داء الوحيدات (اللي بيتسمى كمان “مرض التقبيل”)، وبينتقل عن طريق اللعاب، وممكن كمان ييجي من تلامس مش جنسي.
بالجماع، إيه الأمراض اللي ممكن تتنقل عن طريق الجنس الفموي؟
- الكلاميديا
- السيلان
- فيروس الورم الحليمي البشري
- الهربس (HSV-1 وHSV-2)
- مرض الزهري
- فيروس نقص المناعة البشري
- داء المشعرات
- شيغيلا
من الجماع، إيه الأمراض اللي ممكن تتنقل من لمس الأعضاء التناسلية؟
- جدري القرود
- أي مرض بينتقل عن طريق الدم (زي فيروس نقص المناعة)
- الأمراض اللي بتنتقل من السوائل الجنسية زي الكلاميديا لو لامست إيديك، علشان كده اغسل إيدك وألعابك وأصابعك كويس لو هتستخدمهم في المهبل أو الشرج.
في الجماع، إيه الأمراض اللي ممكن تتنقل من الجنس المهبلي؟
- فيروس نقص المناعة
- السيلان
- الكلاميديا
- الهربس (HSV-1 وHSV-2)
- فيروس الورم الحليمي البشري
- مرض الزهري
- القُرَح
- التهاب الكبد B و C
- داء المشعرات
- الثآليل التناسلية
إيه الأمراض اللي ممكن تتنقل من الجماع من الخلف عند الجماع؟
- فيروس نقص المناعة
- التهاب الكبد B و C
- فيروس الورم الحليمي البشري
- مرض الزهري
- السيلان
- الكلاميديا
- الهربس (HSV-1 وHSV-2)
- الثآليل التناسلية
- وكمان فيه أمراض ممكن تتنقل من البكتيريا اللي في البراز، زي السالمونيلا.
في الختام، اعرف جسمك عاوز ايه بعد الجماع
في الختام بنتمنى إن المقالة دي تكون ساعدتك في إنك تعرف أكتر عن ممارسة الجنس، تابع مدونتنا وشوف كل المقالات اللي فيها واللي ليها علاقة بالتوعية الجنسية الصحيحة، والاستمتاع الذاتي ومع الشركاء.
[…] […]