الامراض الجنسيه | كل اللي هتحتاج تعرفه عنها من أسبابها، اعراضها إلى العلاج

Anees

4 أسابيع ago

الامراض الجنسيه (STDs) منتشرة جدًا حوالينا، ومش شرط تظهر لها أعراض من أول يوم. في ناس بتعدّي عليهم العدوى من غير ما يحسوا بأي حاجة، وده بيخلي الموضوع أخطر لإنهم ممكن ينقلوها لناس تانية وهما مش عارفين. لو المرض الجنسي ما اتعالجش بدري، ممكن يسبب مشاكل كبيرة في الجسم ويوصل لأمراض مزمنة وخطيرة.

في المقال ده، هنتكلم عن الفرق بين العدوى الجنسية والمرض الجنسي، ونعرف أشهر أنواع الامراض الجنسيه، وطرق الوقاية منها، وكمان الأعراض اللي لازم تاخد بالك منها.

إيه الفرق بين العدوى الجنسية والمرض الجنسي الجنسي؟

كتير من الناس بتتلخبط بين مصطلح “العدوى الجنسية” (STI) و”المرض الجنسي الجنسي” (STD). خليني أوضحلك الفرق بطريقة بسيطة:

العدوى الجنسية (STI): هي المرحلة اللي الجسم بيتعرض فيها لبكتيريا أو فيروس أو طفيليات عن طريق الجنس. وممكن الشخص يكون عنده العدوى دي من غير ما تظهر عليه أي أعراض.
المرض الجنسي الجنسي (STD): هو لما العدوى تبدأ تأثر على الجسم وتسبب أعراض واضحة ومشاكل صحية متقدمة ساعتها نقدر نقول على العدوى البسيطة مرض.

يعني كل الامراض الجنسيه كانت في الأول عدوى جنسية، بس مش كل عدوى لازم تتحول لمرض. لو اتلحقت في الأول، ممكن تتعالج بسهولة ومتحصلش أي مضاعفات.

أعراض الامراض الجنسيه

أعراض الامراض الجنسيه بتختلف من شخص للتاني، بس في شوية علامات لو لاحظتها، لازم تروح تكشف فورًا:

ألم أو حرقان أثناء التبول أو العلاقة الجنسية.
تقرحات أو حبوب حوالين الأعضاء التناسلية أو الفم أو فتحة الشرج.
إفرازات غير طبيعية من المهبل أو القضيب.
حكة أو التهابات في المهبل.
ألم أو تورم في الخصيتين.
نزيف بعد العلاقة الجنسية أو بين الدورة والتانية.
فترات غير منتظمة أو مؤلمة.

بس خُد بالك، مش كل الامراض الجنسيه بتظهر بأعراض. وده اللي بيخلي الفحص الدوري مهم جدًا.

لو العدوى تطورت وبقت مرض، ممكن تبدأ تظهر أعراض تانية زي:

حرارة عالية.
إرهاق مزمن.
فقدان الوزن أو الذاكرة.
آلام متكررة.
مشاكل في النظر أو السمع.
تورمات في أماكن مختلفة في الجسم.
غثيان أو اضطرابات في المعدة.

اسباب الامراض الجنسيه دي؟

اسباب الامراض الجنسيه ممكن تكون مرتبطة بالعدوى اللي بتنتقل أثناء العلاقة الجنسية، سواء كانت مهبلية، فموية أو شرجية. العدوى دي ممكن توصل عن طريق:

سوائل الجسم (زي السائل المنوي أو الإفرازات المهبلية).
ملامسة الجلد المصاب أو الجروح.
التلامس المباشر أثناء العلاقة حتى من غير اختراق.

في بعض الحالات، العدوى بتروح لوحدها، بس في حالات تانية ممكن تفضل وتسبب مشاكل لو ما اتعالجتش.

أنواع الامراض الجنسيه اللي لازم تاخد بالك منها

العدد كبير، بس هنا هنركّز على أخطر وأشهر الأنواع اللي ممكن تسبب مشاكل كبيرة:

1. مرض التهاب الحوض (PID)

المرض الجنسي ده غالبًا بييجي من عدوى زي الكلاميديا أو السيلان. ولو ما اتعالجش بدري، ممكن يعمل تلف في قناة فالوب، ويسبب عقم أو حمل خارج الرحم.

أعراضه ممكن تشمل:

ألم في أسفل البطن أو الحوض.
وجع أثناء العلاقة الجنسية أو التبول.
نزيف مش طبيعي أو إفرازات غريبة.
حرارة أو شعور بالغثيان.

العلاج بالمضادات الحيوية بيكون فعّال لو اتعرف عليه في وقت مناسب. بس المشكلة إنه ممكن يسبب ندبات دائمة.

حوالي 1 من كل 10 ستات بيعانوا من العقم بسبب المرض الجنسي ده.

2. الزهري (Syphilis) من الامراض الجنسيه الصعبة

الزهري بيمر بمراحل. في الأول بيكون عبارة عن قرحة صغيرة غير مؤلمة على الأعضاء التناسلية أو الفم أو الشرج.

لو ما اتعالجتش، بيدخل في مرحلة “كامنة يعني مستخبي” من غير أعراض، وبعدها ممكن يوصل للمرحلة التالتة، اللي بتكون أخطر مرحلة، وده ممكن يحصل بعد 10 لـ30 سنة.

مضاعفات الزهري ممكن تكون:

مشاكل في القلب.
فقدان النظر أو السمع.
تلف في المخ أو الحبل الشوكي.
مشاكل نفسية وذهنية.

علاجه سهل بحقنة بنسلين، بس لازم يكون بدري قبل ما الضرر يحصل. لو المرض الجنسي أثّر على القلب أو الدماغ، بيحتاج علاج أكتر.

3. فيروس الورم الحليمي البشري (HPV) والسرطان

HPV هو واحد من أكتر العدوى الجنسية المنتشرة. بعض سلالاته بتسبب الثآليل التناسلية، وسلالات تانية ممكن تسبب سرطان.

أشهر أنواع السرطان المرتبطة بـHPV:

سرطان عنق الرحم.
سرطان الشرج.
سرطان القضيب.
سرطان الفم والحلق.

فيه فحوصات ممكن تكشف عن التغيرات اللي بتحصل في الخلايا بسبب الفيروس، وده بيساعد في العلاج بدري.

وممكن تاخد المصل الخاص بيه من مركز المصل واللقاح في الدقي.

4. الثآليل (الفسافيس) التناسلية

الثآليل أو الفسافيس دي بتكون نتيجة الإصابة بسلالة منخفضة من HPV. بتظهر على شكل نتوءات لونها أبيض أو لحمي على الأعضاء التناسلية أو حوالين فتحة الشرج.

ممكن تتعالج بالكريمات أو بالجراحة البسيطة، بس مش دايمًا بتختفي من غير ما ترجع. لأن الفيروس بيكون لسه موجود في الجسم.

5. فيروس نقص المناعة البشرية (HIV) والإيدز

HIV أو مرض نقص المناعة المكتسب، بيدمر جهاز المناعة وبيخلي الجسم عُرضة للعدوى والأمراض التانية. لو ما اتعالجش، بيتحول إلى مرض الايدز، واللي بيكون مرحلة متأخرة وخطيرة.

أعراض مرض نقص المناعة المكتسب في المرحلة دي ممكن تشمل:

فقدان وزن سريع.
تعب شديد ومزمن.
التهابات متكررة.
مشاكل عصبية ونفسية.
سرطانات.

مافيش علاج نهائي للإيدز لحد دلوقتي، بس في أمل يكون فيه قريب، لكن دلوقتي فيه أدوية بتحافظ على المناعة وتخلي المريض يعيش حياة طبيعية لسنين طويلة.

ازاي الامراض الجنسيه بتنتقل؟ وممكن تيجي منين غير العلاقة الجنسية؟

الدكتورة “فيليس جيرش”، مؤلفة كتاب عن متلازمة تكيس المبايض، بتقول إن في بعض أنواع العدوى الجنسية ممكن تعيش على الجلد (جوه أو بره الجسم) أو في سوائل الجسم زي اللعاب أو الدم أو الإفرازات.
وعشان كده، أي احتكاك بين الجلد والجلد أو تبادل سوائل الجسم ممكن يسبب نقل العدوى.

🔴 مهم تعرف: مش كل أنواع الامراض الجنسيه بتتنقل من كل جزء في الجلد أو من كل سائل في الجسم، ده بيعتمد على نوع العدوى ومكان وجودها.

إيه الأنشطة الجنسية اللي ممكن تنقل الامراض الجنسيه؟

خلينا واضحين، العدوى مش بتطلع من الهوا! لازم شخص يكون حامل المرض الجنسي علشان ينقله.

والمعلومة الوحيدة المؤكدة اللي تقول إذا كنت مصاب ولا لأ هي التحليل.

حسب كلام جيرش، العدوى الجنسية ممكن تنتقل من خلال أنشطة زي:

التقبيل
تحفيز الحلمات بالفم
الجنس الفموي (سواء إدّيت أو أخدت)
الجنس المهبلي أو الشرجي
استخدام اليد في تحفيز الفرج أو المهبل أو الشرج
الألعاب الجنسية اللي فيها دم أو حليب ثدي أو سوائل تانية

يعني، أي فعل فيه تبادل سوائل جسم أو ملامسة أماكن حساسة ممكن ينقل العدوى.

هل في حاجات مش جنسية ممكن تنقل العدوى برضه؟

أيوه! مش شرط العلاقة الجنسية تكون السبب، في أنشطة تانية ممكن تنقل العدوى:

تقبيل فموي (حتى لو مش جنسي)
الوشوم (التاتو) أو الثقب (البيرسينج)
استخدام ألعاب جنسية مشتركة من غير تنظيف
نقل الدم (لو مفيش فحص كويس)
مشاركة الإبر (زي اللي بيستخدموها بعض مدمني المخدرات)
الولادة أو الرضاعة الطبيعية

بس فيه معتقدات غلط منتشرة، زي إنك ممكن تصاب بالعدوى من:

قاعدة الحمام
حمامات السباحة
الجاكوزي

الكلام ده غير علمي لأن الفيروسات اللي بتنقل العدوى الجنسية مبتقدرش تعيش فترة طويلة بره الجسم، وكمان الكلور والمواد الكيميائية في حمامات السباحة بتموت أي حاجة معدية.

هل ممكن العدوى تكون “نايمة” في الجسم وتظهر بعدين؟

في ناس بتقول العدوى بتكون “نايمة”، لكن الأطباء بيفضلوا يسّموها “بلا أعراض” أو “كامنة”.

يعني إيه؟

يعني ممكن تبقى مصاب بعدوى من غير ما تحس، ومن غير ما تظهر عليك أعراض، بس تقدر تنقلها لحد تاني.

مثلًا، فيروس زي HPV (فيروس الورم الحليمي البشري) ممكن يصيب الجسم من غير أعراض واضحة، لكنه يغير خلايا عنق الرحم من غير ما تحس.

كمان ممكن تكون العدوى موجودة، وتبدأ الأعراض تظهر بعدين، لما العدوى تنشط أكتر أو المناعة تضعف.

طيب، ليه أحيانًا التحاليل مش بتكشف العدوى فورًا؟

فيه حاجة اسمها “فترة الحضانة”، ودي هي الوقت بين الإصابة بالعدوى وظهور نتيجة إيجابية في التحليل.

يعني لو عملت تحليل مباشرة بعد ما تعرضت للعدوى، فيه احتمال النتيجة تطلع سلبية غلط، لأن الجسم لسه مكونش الأجسام المضادة اللي التحاليل بتدور عليها.

أعمل التحاليل كل قد إيه؟

التوصية الرسمية من مراكز السيطرة على الأمراض بتقول:
👈 اعمل تحليل للأمراض المنقولة جنسيًا مرة واحدة على الأقل في السنة لو كنت نشيط جنسيًا.

بس د. جيرش بتقول من الأفضل تعمل تحليل قبل أي شريك جديد، وده علشان:

تحمي نفسك
تقلل خطر العدوى
تبقى عارف حالتك الصحية

لو اكتشفت إني مصاب… أعمل إيه؟

متقلقش، فيه خطوات بسيطة هتحافظ بيها على صحتك وتمنع العدوى من الانتشار:

خُد العلاج اللي الدكتور كتبه بالكامل، وبانتظام.
متعملش أي علاقة جنسية لحد ما الدكتور يقولك إنك بقيت كويس.
بلّغ شركاءك الحاليين أو السابقين علشان يعملوا التحاليل ويتعالجوا لو لزم الأمر.
لما ترجع تمارس الجنس، استخدم الواقي الذكري أو السد الفموي (لو فيه جنس فموي).

🛡️ إزاي تقلل خطر الإصابة بالامراض الجنسيه؟

لو بتسأل نفسك: “إزاي أحمي نفسي من الامراض الجنسيه؟”، فخليني أقولك إن الطريقة الوحيدة المضمونة 100% هي الامتناع التام عن أي نوع من أنواع العلاقة الجنسية. بس ده مش واقعي بالنسبة لناس كتير، وعلشان كده، لو إنت شخص نشط جنسيًا، في شوية خطوات ذكية وسهلة تقدر تحمي بيها نفسك وشريكك:

1. استخدم الواقي الذكري أو السد الفموي

الواقي الذكري من اللاتكس يعتبر خط الدفاع الأول، ومهم جدًا تستخدمه صح مع أي نوع من أنواع الجنس (مهبلي، شرجي، أو فموي). ولو إنت أو شريكك عنده مهبل، السد الفموي بيوفر حماية ممتازة في الجنس الفموي.

2. اختار شريكك بعناية

ما تمارسش الجنس مع حد إنت مش واثق فيه. لو عندك أدنى شك إن شريكك عنده أعراض مرض منقول جنسيًا أو عنده علاقات تانية من غير حماية، خليك حذر وابدأ الكلام بصراحة.

3. اعمل فحوصات دورية

مفيش عيب إنك تعمل تحاليل كل شوية. العكس، ده دليل على اهتمامك بصحتك وبسلامة شريكك. ويفضل دايمًا إن أي علاقة جديدة تبدأ بعد تحليل شامل للطرفين.

4. بلاش جنس تحت تأثير الكحول أو المخدرات

الحاجات دي بتخلي الواحد مش واعي وممكن ياخد قرارات غلط زي نسيان استخدام الواقي. فلو عايز تحافظ على نفسك، خليك صاحي ومركز.

5. اتعلم عن الامراض الجنسيه

كل ما عرفت أكتر عن أنواعها، أعراضها، وطرق انتقالها، كل ما هتكون أقدر تحمي نفسك. خلي عندك وعي، مش خوف!

🤰 الامراض الجنسيه والحمل

ناس كتير ما تعرفش إن بعض الامراض الجنسيه ممكن تتنقل للجنين أثناء الحمل أو للطفل أثناء الولادة، وده ممكن يسبب مشاكل صحية خطيرة جدًا.

أمثلة على أمراض ممكن تتنقل للطفل:

الزهري: ممكن يوصل للجنين ويسبب مشاكل كبيرة، زي الإجهاض أو ولادة طفل ميت.
الثآليل التناسلية: ممكن توصل للطفل أثناء الولادة، بس الحالات دي نادرة جدًا.
مرض التهاب الحوض: ممكن يأثر على الخصوبة ويسبب حمل خارج الرحم أو حتى عقم عند 1 من كل 10 أشخاص.

نصايح لو إنتِ حامل:

اعملي تحاليل للأمراض المنقولة جنسيًا في أول الحمل ضروري ومهم حتى لو انتي في السليم.
اتكلمي مع الدكتور عن أي عدوى عندك. في علاجات آمنة للحوامل متقلقيش ولا تحسي بأي عار أو خجل.
في بعض الحالات، ممكن تحتاجي ولادة قيصرية لحماية الطفل، خصوصًا لو عندك ثآليل كبيرة.

🔬 تشخيص العدوى الجنسيه

مش دايمًا الأعراض بتوضح النوع، وعلشان كده الدكتور بيحتاج شوية فحوصات علشان يتأكد:

كشف طبي بسيط علشان يشوف أي علامات ظاهرة.
مسحات من سوائل الجسم علشان يتفحصها في المعمل.
تحاليل دم لو شك في فيروسات زي HIV أو الزهري.
فحوصات متقدمة زي التنظير المهبلي أو جراحة بسيطة لو الحالة معقدة.

💊 طرق علاج الامراض الجنسيه

كل مرض وله طريقته في العلاج. بعض الأمراض سهل تتعالج، وبعضها محتاج متابعة مستمرة. وده حسب نوع العدوى ومدى تقدمها:

مضادات حيوية: فعالة جدًا مع العدوى البكتيرية زي الكلاميديا أو الزهري.
أدوية موضعية أو بالفم: لفيروسات زي الهربس أو الثآليل.
جراحة أو ليزر: في بعض الحالات زي الثآليل الكبيرة أو المشاكل المزمنة.
نمط حياة صحي: الامتناع عن الجنس لحد ما تكمل العلاج، والنظافة الشخصية مهمة جدًا.

خد بالك، بعض الامراض الجنسيه مالهاش علاج نهائي، زي الإيدز أو الثآليل الفيروسية، لكن الأعراض ممكن تتعالج وتقل.

🧠 بس علشان للوقاية المستمرة

الوقاية مش مجرد واقي ذكري بتلبسه وخلاص، الوقاية بتبدأ من الوعي والثقة بالنفس، ومن هنا جايبلك شوية نصايح تساعدك:

اتكلم مع شريكك

قبل أي علاقة، اتكلم مع شريكك بصراحة عن تاريخكم الجنسي. افتحوا الموضوع بهدوء وبدون حكم، واعملوا تحليل سوا.

افحص نفسك بانتظام

لو بتغير شريكك أو عندك علاقات متعددة، الفحص الدوري بيفرق. والشفافية مع الشريك مهمة أوي.

التطعيمات

فيه تطعيمات زي تطعيم فيروس الورم الحليمي البشري (HPV) والتهاب الكبد B، بيوفروا حماية كويسة جدًا.

أدوية الوقاية اليومية (PrEP)

لو إنت أكتر عرضة لفيروس نقص المناعة (HIV)، فيه أدوية ممكن تاخدها يوميًا تحميك بنسبة كبيرة، بس طبعًا تحت إشراف دكتور.

اسئلة شائعة عن الامراض الجنسيه، علشان تحمي نفسك

[saswp_tiny_multiple_faq headline-0=”h3″ question-0=”طيب… إمتى اعراض الامراض المنقوله بالجنس بتظهر؟” answer-0=”الحقيقة إن الموضوع مش ثابت. ممكن الأعراض تظهر بعد أيام من العلاقة، وممكن بعد أسابيع أو شهور، وساعات حتى سنين! والأصعب بقى إن في أمراض ما بيظهرلهاش أعراض خالص زي الكلاميديا والتهاب الكبد الوبائي (B). وده بيخلي الناس مش واخدة بالها إن عندهم مشكلة أصلًا!” image-0=”” count=”1″ html=”true”]

[saswp_tiny_multiple_faq headline-0=”h3″ question-0=”ما هي اعراض الامراض الجنسيه (في مرحلة العدوى)” answer-0=” خلينا كده نقولك على أهم الأعراض اللي ممكن تكون علامة على وجود عدوى منقولة جنسيًا: ألم أو حرقة أثناء التبول أو أثناء العلاقة الجنسية: ممكن يكون بسبب الكلاميديا أو السيلان أو حتى الهربس. لون البول غامق: وده ممكن يكون علامة على التهاب الكبد الوبائي B. إفرازات غريبة من المهبل أو العضو الذكري أو حتى فتحة الشرج: ودي بتحصل مع الكلاميديا، السيلان، أو داء المشعرات. حكة حوالين الأعضاء التناسلية: ممكن تكون بسبب الهربس أو قمل العانة. نزيف بين الدورة الشهرية أو بعد العلاقة: من أكتر أعراض الكلاميديا شيوعًا. وجع في الحوض أو الخصيتين: ساعات بيكون له علاقة بالكلاميديا. آلام في المفاصل والعضلات: بتحصل مع حالات زي التهاب الكبد B. قرح أو بثور صغيرة حوالين الأعضاء التناسلية: دي علامة محتملة للزهري أو الهربس. أعراض شبيهة بالبرد أو الطفح الجلدي: ممكن تيجي مع الزهري أو فيروس نقص المناعة البشرية (HIV). بس خلي بالك! كل الأعراض دي ممكن تكون علامات لحاجات تانية غير الأمراض الجنسية، علشان كده مهم جدًا تروح لطبيب أو مختص لو شاكك إنك اتعرضت لعدوى.” image-0=”” count=”1″ html=”true”]

[saswp_tiny_multiple_faq headline-0=”h3″ question-0=”إيه اللي بيسبب الامراض المتنقله بالجنس من الأساس؟” answer-0=” فيه 3 حاجات أساسية ممكن تسبب العدوى الجنسية: بكتيريا: زي الكلاميديا أو الزهري. فيروسات: زي HPV أو HIV. طفيليات: زي المشعرة المهبلية. وكل دول بيتنقلوا غالبًا عن طريق السوائل اللي بتخرج من الجسم أثناء العلاقة الجنسية. سواء كانت العلاقة مهبلية، فموية، أو شرجية. بس مش لازم يكون فيه “إيلاج” علشان العدوى تتنقل. ممكن العدوى تنتقل من مجرد تلامس الجلد للجلد، خصوصًا لو فيه تقرحات أو إفرازات.” image-0=”” count=”1″ html=”true”]

[saswp_tiny_multiple_faq headline-0=”h3″ question-0=”مين أكتر ناس معرضة للإصابة بالعدوى دي؟” answer-0=”مع إن أي حد ممكن يتصاب، إلا إن في ناس أكثر عرضة من غيرهم، زي: الشباب، خصوصًا اللي عندهم علاقات متعددة. كل اللي بيمارسو الجماع غير الآمن. الوقاية والعلم والمعرفة مهمين جدًا في الموضوع ده.” image-0=”” count=”1″ html=”true”]

[saswp_tiny_multiple_faq headline-0=”h3″ question-0=”إيه أشهر أنواع الامراض الجنسية المنتشرة” answer-0=”فيه أنواع كتير، بس هنقولك على أكترهم شيوعًا: فيروس الورم الحليمي البشري (HPV): ده الأشهر في أمريكا مثلًا. الكلاميديا والسيلان: بينتشروا بسرعة جدًا. الهربس التناسلي: واحد من كل 6 أشخاص تقريبًا بين 14 و49 سنة عنده. الزهري: رجع يزيد مؤخرًا خصوصًا بين الرجالة اللي بيمارسوا الجنس مع رجالة. فيروس نقص المناعة (HIV): قلت الإصابات به، لكن لسه بيظهر في حالات جديدة.” image-0=”” count=”1″ html=”true”]

[saswp_tiny_multiple_faq headline-0=”h3″ question-0=”إيه اللي هيحصل إذا لم يتم علاج الامراض الجنسيه” answer-0=” ساعات العدوى بتتحول لحاجة أخطر، وممكن تسبب: مشاكل في الخصوبة. أنواع معينة من السرطان. سهولة الإصابة بفيروس نقص المناعة. تلف في أعضاء الجسم أو حتى الوفاة في حالات نادرة.” image-0=”” count=”1″ html=”true”]

[saswp_tiny_multiple_faq headline-0=”h3″ question-0=”ايه تأثير الامراض الجنسيه على الحوامل” answer-0=”والحوامل؟! لو الست الحامل عندها عدوى جنسية، ممكن تتنقل للجنين وتعمل مشاكل زي: عدوى في الطفل. التهاب رئوي أو سحايا. عمى أو صمم. تلف في المخ. ولادة مبكرة أو وفاة الجنين. علشان كده لازم الحامل تكشف بانتظام وتتأكد إن كل حاجة تمام.” image-0=”” count=”1″ html=”true”]

[saswp_tiny_multiple_faq headline-0=”h3″ question-0=”ابه طرق تحليل الامراض الجنسيه” answer-0=” فيه تحليل الامراض الجنسيه بيتعمل عند الدكتور علشان نعرف لو في عدوى ولا لأ، زي: تحليل دم. تحليل بول. مسحات من المهبل أو العضو الذكري أو فتحة الشرج. كشف بدني أو فحص حوض. وكل ما كانت التحاليل بدري، كل ما قدرت تاخد علاج بدري وتتجنب المشاكل.” image-0=”” count=”1″ html=”true”]

[saswp_tiny_multiple_faq headline-0=”h3″ question-0=”هل فيه علاج للأمراض الجنسيه؟ أيوة، لكن مش دايمًا” answer-0=” فيه بعض الأمراض اللي ليها علاج، زي: الكلاميديا وداء المشعرات: بيتعالجوا بمضادات حيوية. السيلان: بيتعالج، لكن فيه سلالات بدأت تقاوم الدوا! الزهري: بيتعالج حسب المرحلة اللي وصلت ليها العدوى. التهاب الكبد B: أحيانًا الجسم بيتخلص منه لوحده، ولو ما حصلش ده، بيتعالج بأدوية مضادة للفيروسات.” image-0=”” count=”1″ html=”true”]

[saswp_tiny_multiple_faq headline-0=”h3″ question-0=”طيب والامراض الجنسيه اللي مالهاش علاج نهائي؟” answer-0=”الهربس: فيه أدوية تقلل الأعراض ومنع العدوى من الانتشار. HIV: فيه علاج يخلي الفيروس غير قابل للكشف في الجسم. HPV: مالوش علاج مباشر، بس ممكن تتعالج الثآليل اللي بيسببها. بس خلي بالك! حتى لو اتعالجت، ممكن تتصاب بالعدوى دي تاني لو ما أخدتش احتياطاتك.” image-0=”” count=”1″ html=”true”]

[saswp_tiny_multiple_faq headline-0=”h3″ question-0=”هل ممكن الامراض الجنسيه تتنقل من غير علاقة كاملة؟” answer-0=”آه، جدًا! فيه ناس بتفتكر إنهم آمنين طول ما مفيش إيلاج. لكن الحقيقة إن فيه طرق تانية للعدوى: اللحس والمص أو لعق الشرج. ضرب العشره المتبادل. التلامس الجلدي من غير اختراق. يعني حتى الأفعال اللي شكلها آمن، ممكن تكون وسيلة لنقل العدوى.” image-0=”” count=”1″ html=”true”]

[saswp_tiny_multiple_faq headline-0=”h2″ question-0=”مين الدكتور اللي تروحله في حالة وجود الامراض الجنسيه؟” answer-0=”لو لاحظت أي من الأعراض اللي ذكرناها فوق، أو كنت شاكك إنك اتعرضت لعدوى، ما تتأخرش روح لدكتور جلدية أو أمراض ذكورة، ولو مش معاك فلوس تقدر تروح القصر العيني (العادي مش الفرنساوي أو مستشفى تانية قريبة منك لو انت بعيد)، أو ممكن تروح عيادات الحوص المرصود، افتكر دايمًا الفحص المبكر بيخليك تلحق نفسك وتتعالج بسهولة. وكمان لو بدأت علاقة جديدة، اتفق مع شريكك إنكم تعملوا تحليل قبل العلاقة. الموضوع مش عيب، ده احترام لصحتك وصحته.” image-0=”” count=”1″ html=”true”]